Abduvahobov Abduvali Abdusamatovich
O`zbekiston Fanlar Akademiyasi akademigi (1995). Kimyo fanlari doktori (1979), professor (1981). O`zbekiston Fanlar Akademiyasi Bioorganik kimyo institutida laboratoriya mudiri (1973 yildan), shu institut direktori (1987-1993), O`zbekiston Fanlar Akademiyasi Kimyo-texnologiya va Yer haqidagi fanlar bo`limining raisi (1992-1994), vitse-prezidenti (1994-1997) 1965 – yilda ToshDU (hozirgi Mirzo Ulug`bek nomidagi O`zbekiston Milliy universiteti)ni kimyo fakultetini bitirgan.
Abutaliyev Faradey Basirovich
Matematik olim, O‘zbekiston FA akademigi (2000), fizika-matematika fanlari doktori (1964), professor (1972). 1952 – yilda O‘rta Osiyo davlat universiteti (hozirgi Mirzo Ulug`bek nomidagi O`zbekiston Milliy universiteti)ni fizika fakultetini tugatgan.
Ayupov Shavkat Abdullayevich
Matematik olim, O‘zbekiston FA akademigi (1995), fizika-matematika fanlari doktori (1983), professor (1985). 1974- yilda Toshkent davlat universiteti (hozirgi Mirzo Ulug`bek nomidagi O`zbekiston Milliy universiteti)ning matematika fakultetini tugatgan.
Azimov Sodiq Azimovich
Fizik olim, O‘zbekiston FA akademigi (1962), O‘zbekistonda xizmat ko‘rsatgan fan va texnika arbobi (1964), fizika-matematika fanlari doktori (1955), professor (1958). 1940 – yilda O‘rta Osiyo davlat universiteti (hozirgi Mirzo Ulug`bek nomidagi O`zbekiston Milliy universiteti)ni fizika fakultetini tugatgan.
Dolimov Toʻrabek No‘monovich
Oʻzbekiston FA akademigi (1995). Geologiya-mineralogiya fanlari doktori (1981), professor (1985), 1973-1974 yillarda Oʻzbekistan Geologiya vazirligi qoshidagi Oʻrta Osiyo geologiya va mineral xom ashyo institutida shoʻba mudiri. 1983 yildan ToshDU geologiya fakultetida kafedra mudiri, dekan (1985-1987). ToshDU ilmiy ishlar boʻyicha prorektori (1987-1995), 1995 yilda hozirgi OʻzMU rektori. 1960 – yilda ToshDU (hozirgi Mirzo Ulug`bek nomidagi O`zbekiston Milliy universiteti)ni geologiya fakultetini tugatgan.
Farmonov Shokir Qosimovich
matematik olim, Oʻzbekiston FA akademigi (2000). Fizika-matematika fanlari doktori (1973), professor (1977). 1963-yilda ToshDU (hozirgi Mirzo Ulug`bek nomidagi O`zbekiston Milliy universiteti)ning mexanika-matematika fakultetini tugatgan.
Karimov Ubaydulla Isroilovich
O‘zbekiston FA akademiyasi akademigi (1995), O‘zbekistonda xizmat ko‘rsatgan fan arbobi (1980), filologiya fanlari doktori (1972). 1949-yilda O‘rta Osiyo universiteti (hozirgi Mirzo Ulug`bek nomidagi O`zbekiston Milliy universiteti)ning sharq fakultetini tugatgan.
Muso Toshmuhammad o‘g‘li Oybek
Ulug‘ adib, shoir, olim, jamoat arbobi. Oybek 1943 yilda O‘zbekiston Fanlar akademiyasiga haqiqiy a’zo etib saylangan va 1950 yilgacha akademiyada ijtimoiy fanlar bo‘limining raisi lavozimida ishlagan. . 1930- yili O‘rta Osiyo Davlat dorilfununi (hozirgi Mirzo Ulug`bek nomidagi O`zbekiston Milliy universiteti)ni tugatdi.
Toshmuhammad Niyozovich Qori-Niyoziy
Matematik olim, pedagog, jamoat arbobi. O‘zbekistonda xizmat ko‘rsatgan fan arbobi (1939). O‘zbekiston Fanlar akademiyasi akademigi (1943), fizika-matematika fanlari doktori (1939), professor (1931). O‘zbekiston Fanlar akademiyasining birinchi prezidenti (1943 — 1947). 1929-yilda O‘rta Osiyo universiteti (hozirgi Mirzo Ulug`bek nomidagi O`zbekiston Milliy universiteti)ni matematika fakultetini tugatgan.
Yunusov Sobir Yunusovich
Kimyogar olim. Oʻzbekiston FA akademigi (1952). SSSR FA muxbir aʼzosi (1958), Oʻzbekistonda xizmat koʻrsatgan fan va texnika arbobi (1959), kimyo fanlari doktori (1949), professor (1952), Mehnat Qahramoni (1969). 1935 – yilda Oʻrta Osiyo universiteti (hozirgi Mirzo Ulug`bek nomidagi O`zbekiston Milliy universiteti)ni kimyo fakultetini tugatgan.
Arifov Ubay Arifovich
U.A.Arifov 1945 yilda nomzodlik va 1945 yilda doktorlik dissertatsiyalarini yoqlagan. 1956 yilda O‘zFA akademigi. O‘zbekiston Respublikasida xizmat ko‘rsatgan Fan va texnika arbobi Abu Rayhon Beruniy nomidagi O‘zbekiston Davlat mukofoti laureati, ko‘plab orden va medallar sohibi.
Bekjonov Rahim Bekjonovich
1966 yilda doktorlik dissertatsiyasini himoya qilgan, 1968 yildan professor, 1989 yildan O‘zFA akademigi. Abu Rayhon Beruniy nomidagi O‘zbekiston Davlat mukofoti laureati. S.I.Vavilov nomli nishon sovrindori. O‘zbekiston ma’orif a’lochisi va ixtirochisi.
Yunusov Maxamadjon Sobirovich
1950-1955 yillari O‘rta Osiyo davlat universitetida (hozirgi O‘zMU) fizika ixtisosligi bo‘yicha tahsil olib, o‘z faoliyatini O‘zFA Fizika-texnika institutida kichik ilmiy xodim lavozimidan boshlagan. 1967 yilda nomzodlik va 1981 yilda doktorlik dissertatsiyasini himoya qilgan. 2000 yilda O‘zFA akademigi. O‘zbekistonda xizmat ko‘rsatgan Fan arbobi. Abu Rayhon Beruniy nomidagi O‘zbekiston Davlat mukofoti laureati, “Shuhrat” ordeni sohibi.
Musayev Jo'ra Azimboyevich
1944-1948 yillari O‘rta Osiyo davlat universitetida (hozirgi O‘zMU) biologiya ixtisosligi bo‘yicha tahsil olgan. Genetik olim, akademik. «El yurt hurmati»,»Yuksak xizmatlari uchun»,»El yurt hurmati»,»Mustaqillik»,»Xalqlar do’stligi» kabi medal va ordenlar sohibi. O’zb Res Fanlar akademiyasi turli bo’limlar raxbari sifati faoliyat yuritgan.
Abdumavlon Abdullayev
1947-1952 yillarda O’rta Osiyo Davlat universiteti (hozirgi O’zMU) biologiya fakultetini tamomlagan. Biologiya fanlari doktori, akademik.»El yurt hurmati»,»Yuksak xizmatlari uchun»,»El yurt hurmati»,»Mustaqillik»,»Xalqlar do’stligi» kabi medal va ordenlar sohibi. O’zb Res Fanlar akademiyasi turli bo’limlar raxbari sifati faoliyat yuritgan.
Abdusattor Abdukarimov
1960-1963 yillarda O’rta Osiyo Davlat universiteti (hozirgi O’zMU) biologiya fakultetini tamomlagan. Biologiya fanlari doktori, akademik.»El yurt hurmati»,»Xalq ta’limi alochisi»,»Do’stlik» kabi medal va ordenlar sohibi.
Ibrohim Yulchiyevich Abdurahmonov
1993-1997 yillarda Toshkent Davlat universiteti (hozirgi O’zMU) biologiya fakultetini tamomlagan. Biologiya fanlari doktori, akademik. 2011 yil AQSH ning Texas shtatining qishloq xo’jaligi universitetini tamomlagan. ICRA a’zosi.
To’rayev Abbosxon Sobirxonovich
O’zR FA Bioorganik kimyo instituti direktori, Akademik, 1969- yilda O’rta Osiyo davlat universiteti(hozirgi O’zMU) kimyo fakultetini tamomlagan.
Umarov G'iyos Yoqubovich
1943 yilda O‘rta Osiyo davlat universiteti (hozirgi O‘zMU) fizika-matematika fakultetini bitirgan. Ilmiy ishlari yadro fizikasi, geliofizika masalalariga oid. “Hurmat belgisi ordeni” va medallar bilan mukofotlangan.
G‘ulomov Ulug‘ G‘afurovich
1950 yilda O‘rta Osiyo davlat universiteti (hozirgi O‘zMU) fizika fakultetiga o‘qishga kirib, 1955 yilda tugatgan. 1974 yilda O‘zbekiston Fanlar akademiyasi muxbir a’zosi bo‘lgan. O‘zbekistonda xizmat ko‘rsatgan Fan arbobi. Abu Rayhon Beruniy nomidagi O‘zbekiston Davlat mukofoti laureati.